jobsDB仇崑石打造搵工新境界 與時並進要方便 搞拍片網上面試

原文刊於信報財經新聞專欄「周一人物」

挨年近晚，出了雙糧或花紅，不少打工仔都密謀搵工跳槽；著名求職網站jobsDB的香港區行政總裁仇崑石（Isaac），早年曾任Google香港管理層，本身既是搵工高手，多年來也曾接見過無數求職者；作為職場「媒人」，無論是初試啼聲的新鮮人，抑或「人望高處」的老手，面試過關搵到筍工固然值得祝福，能幫對方尋找合適工作，滿足感同樣爆棚。

投身職場多年，如今的Isaac可說見慣大場面，然而職場達人從前也經歷過「心驚膽戰去見工」的青澀歲月，他直言，每個人的第一次面試，難免都會戰戰兢兢，「緊張一定有，好在自己讀business出身，（大學）有好多『上莊』經驗，叫做見過吓人，訓練到所謂的soft skills（軟技巧）。」

問到當年的他口才是否同樣了得，Isaac笑着否認：「唔係你想像中咁純熟。」那首次面試有否被人為難？「當然有，（具體情況？）唔記得喇；投身社會後，個人先至慢慢成長。」

做過營銷 曾效力Google

畢業後他從事市場營銷長達10多年，2008年加入搜尋引擎巨企Google，由傳統前線銷售轉戰數碼世界，「當時Google在香港唔算好出名，自己覺得係個好機會，決定一試。」一幹便5年，2013年離開，做過初創，到去年獲jobsDB招手出任現職。

俗語說「魚唔過塘唔肥」，問到加盟原因，Isaac表示新工很具挑戰，隨即推銷員上身般如數家珍，「jobsDB是個成立好耐的網站，2011年被澳洲上市公司Seek Group收購，該集團本身屬全球recruitment sites（招聘網站）top player，接觸後知道他們希望把jobsDB轉型，由本地變成區域性，我覺得好有挑戰，而且可以發揮自己強項。」

產品配合不同市場文化

與任職Google相比，Isaac指出，數碼產品放諸四海皆宜，惟企業文化是各處鄉村各處例，因此jobsDB要針對不同市場，設計各類產品，迎合當地用家需求，「要將好多求職者意見反映給開發團隊，令產品加入更多本地元素，所以現時面對多好多product developers，也要做好多surveys（調查）同focus group（焦點群眾）。」

即使工作性質有別，他深信只要堅持幾大特質，便無往而不利，「首先一定要保持熱情，否則好難繼續落去；其次要有求知慾，先會深入發掘問題，然後想辦法解決；當然都要不斷改善自己，持續學習。」

市場瞬息萬變，不可「一部通書睇到老」，要保住龍頭求職網站地位，步伐自不能放慢；隨着社會進步，加上本地失業率長期偏低，港人搵工最緊要方便，「你要個求職者上來面試，好多後生仔女或者住得遠的都未必願意，所以我們最近推出video screening（影片放映）系統，讓求職者用電話、電腦去答僱主問題，老闆可以隨時隨地去揀人。」

透過大氣電波或網絡溝通，很多僱主卻覺得不夠傳真，喜歡真人面談，希望測驗求職者臨場反應和應變能力。問到預先拍片會否影響真實性，求職者有機會作弊？Isaac解釋：「都考到急才，我們有很多不同settings，可以調校到僱主問完之後要即刻作答，沒時間去諗；若僱主出一些好難的問題，會有幾分鐘讓求職者準備。」

用新模式僱主更多選擇

類似的網上面試模式，外國已頗為流行，在港只屬起步，Isaac承認，本地僱主或需時間適應，他相信會愈來愈多人接受，「始終履歷內容未必好足，平時僱主約求職者當面見，或時間所限，可能最多見到10個8個，用這方法（影片放映）不用固定在某段時間，一日可以睇30個、50個，起碼揀人時多些資料選擇。」

雖說今次是人物訪問無所不談，心繫工作的他，過程中三句不離本行，就連平日有什麼消遣，他也答得直接：「真係冇乜，（連運動都冇？）有跑下馬拉松，一來年紀開始大，要鍛煉，二來（馬拉松）是個goal setting過程，向着某個目標奮進；另外我亦好似其他香港人，會去旅行，早排先帶咗班同事去曼谷玩。」

Isaac透露，投身社會前當過背包客，在歐洲闖蕩40多天，主要瀏覽博物館，「我唔係讀歷史，不過好鍾意欣賞唔同地方文化優點。」數年前，綽號「神奇隊長」的英超足球隊利物浦球星謝拉特退休，他專誠飛去當地睇波，向偶像致意。

儘管是陳年往事，從他嚮往的眼神可見，不論事業心幾強盛，一個人始終需要娛樂。問他如果沒有入這行，會選擇什麼職業，Isaac搔一搔頭，笑言：「呢個問題都幾得意，我份人咁有好奇心，可能去做學術研究，其實只要我有把握做到，接觸耐咗，自然就會有興趣。」

常說若工作是自己興趣所在，當然幹得開心，可是人搵工，工搵人，世事未必這麼理想；假如開始討厭上班，也許是時候找Isaac談談。

採訪、撰文：許鎮邦、陳慧筠

攝影：黃俊耀 部分相片由被訪者提供

更多「周一人物」文章：

• 中國長遠劉小鷹創新不忘念舊
• PUC張嘉洲數碼創業贏在行先
• 數碼通葉安娜愛創機會留人才

支持EJ Tech

如欲投稿、報料，發布新聞稿或採訪通知，按這裏聯絡我們。