You are currently at: ejtech.hkej.com
Skip This Ads
Don't Miss
Home   >   企業   >   動口不動手(老占)

動口不動手(老占)

By on February 9, 2018

本文作者老占，為《信報》撰寫專欄「俺俺占占」

今年CES亮點之一，就是所有產品都識講嘢。(AFP圖片)

今年CES亮點之一，就是所有產品都識講嘢。(AFP圖片)

二○一八年的第一場科技盛會，就是美國拉斯維加斯的CES消費性電子展，人工智能、自動車、虛擬實境、AR、VR、聲音經濟，一大堆紅咗好多年的科技名詞仍然擔當今年的主角。

其中我最看好的就是語音經濟，過去三十多年，人同電腦的交接接觸是用Keyboard打字；十年前，iPhone面世，大家都用手去觸控智能手機；接下來，語音就是觸控之後，人工智能時代最有可能崛起的介面。

AI年代，先讓機械看懂世界，再讓機械真正思考，其中一個入口就是「聲音」。

今年CES亮點之一，就是所有產品都識講嘢，智能音箱成為人類可與AI即時溝通，與智能家電、車聯網、物聯網下達指令的核心。你諗得到的所有家電都配備語音助理，從電視、冷氣、雪櫃、音響、汽車、行車記錄儀都有Alexa，覆蓋率超乎想像。未來每個新車，都將具備語音、手勢、人臉識別以及AI助理。

去年Google發表成果顯示，大家對着機器講嘢，轉化成文字的正確率高達百分之九十五。但令所有人都跌破眼鏡的是，首先執到金的唔係最懂搜索的Google，或者係有Siri語音助理的蘋果，而是亞馬遜。

七點鐘，身邊Amazon Echo鬧醒你，AI留意到你已經起床，同佢單一聲，就會自動開廚房燈及廁所燈、沖咖啡、通報當日天氣，同手機講兩嘢，馬上就會提醒今天女友定係老婆生日。播音樂、講新聞只是基本功能，仲可以講故仔、玩互動遊戲、對住佢講嘢就能夠叫Pizza、叫Uber、預訂星巴克、打開水龍頭、沖廁，當然還有去亞馬遜購物。

肯定的是，未來你同機器講嘢的時間，會比同老婆講得仲要多。

更多老占文章：

支持EJ Tech



如欲投稿、報料，發布新聞稿或採訪通知，按這裏聯絡我們。