GogoVan 是不是邪惡軸心
本文作者SOR9Y為打工仔出身,現為一家中小企科技公司合伙人,粗口爛舌,以串人為己任。
最近,有貨車司機到 GOGOVAN 總部抗議(詳見報導),抗議內容主要有幾點:
- 近日降低晚間附加費,操控價格,減低司機收入
- 「亂收車」,容許非業界司機加入車隊
GOGOVAN 及後有回應。因為呢件事,有人開始覺得 GOGOVAN 其實同百佳一樣,都係先佔巿場,然後欺壓司機。但我覺得大家都捉錯重點。
首先搞清楚,GOGOVAN 係一家公司,公司係要賺錢嘅。如果大家一直有跟進 GOGOVAN 嘅發跡史,你會知道 GOGOVAN 本來係打算免費一年後向司機收費(大約係每張單嘅 7-10%),但當 GOGOVAN 推出時,不幸被 EasyVan 搶佔巿場,於是收費計劃告吹。直至現在,GOGOVAN 喺香港都無任何收費。但大家留意,GOGOVAN 喺香港一如其他電召台,係有 call center 嘅,顧客除咗可以打電話 call 車,call center 亦會主動跟進協調司機同乘客嘅問題(例如司機甩底,或者唔肯接單)。呢啲支出邊個俾?當然係來自 GOGOVAN 嘅投資者,所以 GOGOVAN 喺香港其實一直都燒緊錢。
GOGOVAN 早幾個月透過合伙方式進軍台灣,當然就唔會同香港一樣燒錢:每單柯打,司機賺八成,合伙人賺一成,GOGOVAN 賺一成。所以,GOGOVAN 做咗兩年,去到台灣先真正開始有收入。好喇,咁點解香港明明無錢賺都要做?
主要係因為 GOGOVAN 喺香港起家,如果而家香港呢邊執笠的話,肯肯定會俾街外人笑死。而只要 EasyVan 之類嘅競爭者一直存在,香港呢個巿場亦永遠唔會向司機收費。所以,GOGOVAN 喺香港嘅目標只有一個:成為巿佔率最高嘅 call 車公司。咁你會開始明白點解佢會主動降價,因為只要打低埋現存嘅 call 台,佢就會係巿佔率最高嘅公司,而且無人取代。但成為最大之後係咪就會收費賺司機錢呢?
呢個問題唔喺 GOGOVAN 度,而係要問埋 EasyVan。一日兩間公司仍然打生打死,都唔會有人敢喺香港收錢。大家到時要擔心嘅反而係兩間公司到時會唔會合謀定價,因為要收,就一定係一齊收。但以兩間公司嘅「友好」關係,我唔覺得呢件事會喺三幾年內發生。
所謂「亂收車」,用上面嘅理由一樣講得通。
所以,我覺得現時嘅問題並唔在於 GOGOVAN 有否欺壓司機,而係班司機用咗 GOGOVAN 一類嘅 call 車平台之後,仲肯唔肯俾錢上傳統 call 台?當司機一方面鬧 GOGOVAN 壓價,傳統台呢一年內其實係不停咁加緊價希望司機肯留低,但肯上台嘅司機仍然係越來越少。
如果你問我 GOGOVAN 是否邪惡,我會話最少喺香港唔係,最邪惡嘅反而係呢班貪免費又想賺到盡嘅司機。如果司機覺得 GOGOVAN 欺壓,其實只要你集體唔用 GOGOVAN,佢一定要加價留人,但司機們你哋團結到咩?想當年 GOGOVAN 推出時,各大 call 台想聯手打壓,但結果係每間 call 台都出一個自己品牌嘅 call 車 App,而無一個夠 GOGOVAN 打。連 call 台都係咁,旨意班司機團結?哈哈哈!
原文刊於作者網誌「SOR9Y」
支持EJ Tech
如欲投稿、報料,發布新聞稿或採訪通知,按這裏聯絡我們。
Related Posts
Latest News
-
海外電子錢包|Alipay+:港商戶本月起可接受14個海外電子錢包支付
螞蟻國際旗下跨境移動支付解決方案Alipay+宣布,超過13萬香港商戶本月起可接受14個熱門海外電子錢包支付,覆蓋本港90%以上的本地商戶網絡。
- Posted April 26, 2024
- 0
-
中美矛盾|據報:字節跳動寧願關閉TikTok在美業務 也不願出售
路透引述4名消息人士報道,如果字節跳動用盡所有法律手段,亦無法阻止美國禁止TikTok應用程式在美國應用商店上架的法案,字節跳動寧願關閉TikTok,亦不願意出售。字節跳動拒絕評論有關報道。
- Posted April 26, 2024
- 0
-
捍衞和平先要慎選資訊(黃岳永)
中立、客觀一直被視為新聞的核心理念,惟現實中,愈能煽動情緒的報道,就愈會在社交媒體上廣泛傳播。現今真正做到客觀的媒體也愈來愈少。有學生問我,想要對新聞有正確認知,從而培養自己的批判思維,但到底如何才能找到「真實」的新聞,避免產生偏見?
- Posted April 26, 2024
- 0
-
AI手機必更強大(林國誠)
人工智能(AI)逐漸融入我們的日常生活當中,而手機則成為這個趨勢的核心。從拍照演算法到錄音自動生成記事,再到實時翻譯,這些功能不僅讓手機更加「智能」,也令人們的生活更添便利。
- Posted April 26, 2024
- 0
-
AI測政見|AI辨識人臉準確測出政見
美國史丹福大學商學院最近有一項研究,利用常見的人臉辨識演算法VGGFace2,將之與人工智能(AI)技術結合,透過簡單觀察一個人空白、毫無表情的臉孔,即使剔除身份、年齡、性別、種族等因素,仍能準確評估其個人政治取向,認為臉部輪廓能塑造心理特徵。
- Posted April 26, 2024
- 0
-
無人車比賽|阿聯酋首屆F1無人車大賽明開鑼
中東阿聯酋明天舉辦首屆「阿布扎比自動駕駛賽車聯賽」(A2RL)。參賽隊伍只能利用編碼技能、人工智能(AI)演算法、機器學習軟件等專業知識,指導一級方程式賽車(Formula One)在亞斯碼頭賽道(Yas Marina Circuit)行駛,爭奪225萬美元(約1755萬港元)獎金。
- Posted April 26, 2024
- 0
-
醜果翻身|港企回收醜果減碳排 研冷凍術製果乾
Not Only Powder聯合創辦人指,全球近五成新鮮蔬果被糟蹋,在各類食物之中最浪費。該公司利用凍乾技術,把回收的醜陋水果回收後製成果乾、即沖粉末等產品,可保留水果超過九成維他命,有助補充人體一天所需。
- Posted April 26, 2024
- 0