17LIVE香港舵手 撫慰都市寂寞心 周榮春投身直播 娛己娛人大商機

原文刊於信報財經新聞「周一人物」

大部分人對網上直播平台印象只是虛擬世界的娛樂，2016年進軍香港的台灣「過江龍」17LIVE最近破格走進現實，落戶旺角地舖，該公司香港行政總裁周榮春（Terence）是本地首批IT人，職業生涯曾從事Java game、手遊、網絡遊戲開發商、唱片公司等不同行業，多年來與「娛樂」兩字結下不解緣，「人始終需要娛樂，喺大城市生活嘅人，好多都好寂寞……所以商機好大。」

在香港中文大學主修科技系統與工程管理的Terence，1997年畢業後，曾於電訊盈科（00008）前身盈科數碼動力工作，惟熱中創業的他，未待兩年合約屆滿便與大學同學於1999年創業，主攻通訊及網絡遊戲，由Java game到SMS穩步發展，2006年更與業務夥伴在內地合組初創，推出神州首個垂直電子商務社群（vertical e-commerce community）。

可是天下無不散之筵席，未幾因發展路線出現分歧，Terence決定退股重投打工仔行列，「其實間公司仲喺度，後來轉埋型，發展算唔錯，不過嗰陣（跟拍檔）有唔同想法，咁啱有電訊公司招手，好來好去無謂傷感情。」

歷任電訊手遊唱片公司要職

之後他曾任職多家企業，先是和記電訊旗下3香港，負責最擅長的娛樂內容；2011年加入環球唱片，任職大中華區業務拓展總監，開拓內地音樂版權協議；兩年後擔任遊戲開發商網龍網絡（00777）業務及企業發展總監，以及旗下應用商店91無線的營運總監，管理和拓展手遊程式；到2015年轉職為中國聯通旗下小沃科技的合資企業Woosh Game的營運總監。

這位「職場浪人」翌年又有新發展，加盟美亞娛樂（00391）與私人投資者3W聯合投資的本地手遊公司美亞怪物遊戲（MAMO）當行政總裁，同時兼任網絡行銷推廣公司Them Media行政總裁，其營運的垂直媒體專頁（vertical pages）及網絡社群，擁有近100萬名追蹤者。

港人愛玩手機遊戲，Terence不諱言負責開發則是另一回事，「做手遊體會到一樣嘢，你見騰訊（00700）之前喺中國代理《神魔之塔》（2015年已結束代理）掀起熱潮，主要因為當年土壤（手機市場）未係好肥沃，騰訊又投入好多資金，先有呢種bombing（爆炸性）效果。」

「今時今日人人玩，但手遊開發喺香港未成生態，唔係話無得做，需求一定有，單靠一個香港團隊去做（開發）真係唔容易。」2019年他獲17LIVE香港招手，有感雙方理念方向一致，也自覺值得嘗試挑戰直播平台行業，同年10月正式過檔。

由遊戲轉戰直播平台，Terence形容同樣要看數據，但性質有分別，「好多人以為宅男先睇直播，實情唔係，各行各業都有，直播行業係個生態圈，牽涉主播、觀眾、活動合作單位……涉及人性嘅因素較多，手遊就要盡量optimize（最佳化）啲數據。」

疫情爆發催旺需求 因禍得福

2019年10月本港發生的社會事件，不少人記憶猶新，「當時整個社會嘅attention（注意力），只聚焦喺一件事，邊有心情睇直播，對我哋業務影響大，嗰陣700幾位主播，雖然唔係正式僱傭關係，好多都靠份工維持生計，大家都灰，嗰個階段我要負責穩定軍心，安撫情緒，係幾大壓力。」

未幾新冠疫情爆發，大部分行業叫苦連天，直播平台竟然因禍得福；由於市民留家抗疫，暫停社交活動，看直播便成為娛樂之一，「主播開live（直播）時間都多咗，對流量有幫助；煲劇始終屬於單向娛樂，直播（平台）多啲互動，對於鍾意同人交流、唔係下下約到朋友嘅人來講，係理想選擇。」

香港土生土長 盼發放正能量

多年來遊走創業家與不同企業高層身份，不變的是Terence對娛樂行業那份熱誠，「人始終需要娛樂，尤其都市人壓力大，收工會想尋求relax（放鬆），問自己『到底咁辛苦為乜』；喺大城市生活嘅人，好多都好寂寞，就算有伴侶有家庭，都會有孤獨感，娛樂行業就係一個伴，幫人消除寂寞，所以商機好大。」

在某些人的眼中，娛樂可能並非必需品，Terence則認為，令人開心也是一種貢獻社會方式，「作為土生土長香港仔，我都想透過17LIVE香港，發放正能量，尤其呢一年好多人失業，希望可以提供到一個平台，等佢哋多啲同人溝通，甚至做埋主播，發揮才華，賺下生活費。」娛人之餘，更可以幫到人。

採訪、撰文：許鎮邦

其他「周一人物」文章：

• 「小黃鴨之父」林亮 為玩具添生命力 90歲再創業 重塑經典宣揚奮鬥精神
• 黎曉靈趕製採樣車 出錢出力抗疫 臘味老店金菊園後代 承家訓創新不畏險
• 周梁淑怡籲電視人追求創新貼近民生 現實顧慮多 不敵新媒體

支持EJ Tech

如欲投稿、報料，發布新聞稿或採訪通知，按這裏聯絡我們。