You are currently at: ejtech.hkej.com
Skip This Ads
Don't Miss

「香港懶多人話自己係天使 VC 結果得一間有眼光投中毛記」 (宋漢生)

By on August 3, 2017

本文作者為宋漢生,為網上書櫃aNobii 創辦人。

前網媒後廣告製作兼發行,這個模式,毛記證實原來行得通。(圖片來源:林日曦fb圖片)

前網媒後廣告製作兼發行,這個模式,毛記證實原來行得通。(林日曦fb圖片

以上市為贏的角度來看,毛記係近十幾年最成功的香港startup。

當然,你可以話上市不是唯一成功標準,或者申請不代表一定上到。先不理上不上市,睇睇為上市而公開的成績表。

你又可以話成績表裡面的數字,當然會為上市化下妝,不可盡信,不代表未來。但就算打幾多折都好,有些事實應該好實淨。

大環境,媒體難做。無論是傳統媒體,無論是新興網媒。難處耳熟能詳,越來越少人俾錢買紙,更少人願意俾錢上網睇,但網上廣告不夠值錢,因為供應無限多,仲要入行低門檻,再加上facebook獨大,揸住大家條頸,等等等等,成個地球的媒體都搵緊出路。

香港市場,大家都一早睇到,TVB走緊下坡,好難逆轉。一直以來,電視廣告佔廣告消費個餅好大份,就算點擊廣告冒起,電視廣告主打branding,跟主打conversion的點擊廣告本來就是兩件事。

所以問題是,本來TVB持牌壟斷的廣告收入,會流去邊?結果是,毛記搶到一份。換句話講,毛記可能始於恥笑無記,但最後竟然連收入都執走一截。

前網媒後廣告製作兼發行,這個模式,毛記證實原來行得通,至少通到走到臨上市都只係有10%在投資者手上,創辦團隊佔仲揸九成(順帶一提,香港懶多人話自己係天使VC,結果得一間有眼光投中毛記…明報)。

不認識毛記團隊,表面跡象,這條路應該不是甚麼五年大計的powerpoint產物。無前人例子參考,無強國外國例子參考,摸出適合自己公司DNA的一條路,就呢點,已經好好勁。

黃雅麗年幾前出書,寫幾間本地最冒起的startups,有提過寫毛記,但不知甚麼原因最後都無。不過可能都啱,毛記故事值得自成一書。

支持EJ Tech

如欲投稿、報料,發布新聞稿或採訪通知,按這裏聯絡我們