港咖啡

By on April 29, 2015

本文作者為Beehive Strategy創辦人Kenneth Kwok

arist 29apr

「熱話」

真係無諗過,一個「香港資訊及通訊科技獎」嘅「全年大獎」會變成行內外嘅熱話,這部「Arist 咖啡機」足足講咗兩星期,而件事今日仲未完結。相信好多人都會問點解咁多人討論呢?咁就真係有排講,因為呢個連續劇有好幾個討論點。但係點都好,一間公司,一個項目俾外國人話佢詐騙,仲要開個網站講呢件事,我諗都係第一次。如果屬實「香港資訊及通訊科技獎」多年嘅認受性就大打折扣!

「問題」

第一,點解佢攞到「全年大獎」?因為參賽項目必須為已投入市場或已被應用之產品,但係產品仲未推出市場。第二,係外國有好多人係 Kickstater 投資但係佢哋無乜交代進度,最近仲話遭受黑客攻擊。第三,從來無展示過部咖啡機從頭到尾點運作。(編按:去年11月Arist拍攝示範片段,當時仍以第一代設計示人)第四,間公司同產品都未成熟就成立平台教人籌集資金,擔任客戶的顧問同客戶分帳,抽取募集資金嘅三成。

「總結」

好多網上嘅討論同不同媒體嘅報導都未能夠解除大家嘅疑問,反而仲越搵越多嘅問題,好多嘢仲越描越黑,唔講好過講!當然有啲問題係關個主辦機構同個評審委員會。因為如果事情係熟實嘅話,佢哋一定飽受攻擊。所以事實勝於雄辯,如果部「咖啡機」真係面到世嘅話,以上大家嘅問題就再不存在。個陣時就只怪創辦人無好好同佢嘅支持者好好溝通以引致今日嘅局面!

支持 StartupBeat

如欲投稿、報料,發佈新聞稿或採訪通知,按這裡聯絡我們