Prenetics楊聖武 創業長勝情歸生科 染指飲食家具團購 急流勇退尋新挑戰

原文刊於信報財經新聞「周一人物」

現世代不同行業創業者不計其數，但像基因及診斷檢測公司Prenetics聯合創始人楊聖武（Danny）般，先後4次創業且在4個行業皆做出成績，相信為數不多，從早年在美國引入甜品連鎖品牌許留山特許經營權、涉足酒店家具生意，以至來港後成立團購網引領潮流，到今年帶領Prenetics成為首家在美國納斯特上市的香港獨角獸公司；這位創業「長勝將軍」早前接受專訪，分享營商背後理念。

Danny的生意頭腦可說與生俱來，廣東惠州出生的他，5歲移居美國三藩市，12歲初嘗「從商」滋味，售賣棒球卡賺取零用錢，15歲就踏入社會，半工讀擔任電話銷售員，因表現突出，半年就晉升經理，之後升讀三藩市大學，依然維持半工讀，先後在幾間網絡公司工作，22、23歲年薪已超過13萬美元（約百萬港元）。

引入許留山到美國

對創業有情意結的他，自知非打工材料，25歲便首度做老闆，取得許留山在美國的特許經營權，「之前幾年每逢聖誕都嚟香港玩，好鍾意食許留山，當時諗點解美國無，覺得（許留山）喺美國應該會幾受歡迎，尤其三藩市咁多華人，於是自己儲夠錢就聯絡香港許留山傾（代理權），佢哋又有興趣，就咁開始咗（創業）。」

經營飲食3年多後，Danny賣盤離場，「都有錢賺嘅」；初嘗創業甜頭的他其後轉投酒店家具行業，原來是出於幫朋友心態，「嗰陣有個朋友係室內設計師，幫酒店設計custom furniture（訂製家具），佢同我講喺美國好難搵呢啲家具，我問佢點解唔去中國內地搵，佢話唔識，我話咁等我幫你試吓。」

如是者Danny在三藩市開設家具公司，最初由小規模的酒店項目做起，「50間房、100間房，但做咗差不多一年，覺得其實50間定1000間房嘅酒店，都係做一樣嘅工作」，接着公司改變策略，向拉斯維加斯大型酒店埋手，後期連美高梅、威尼斯人等巨頭都成為其客戶。

返港設uBuyiBuy懶理閒言

酒店家具生意蒸蒸日上，換着別人也許只會坐享其成，而熱中創業的Danny卻選擇急流勇退尋找新挑戰，「當時有個朋友問我，有無聽過美國有間（團購）公司叫Groupon，佢哋啱啱融資咗9.5億美金，喺2010年嗰陣係好多，我心諗咁勁嘅，亦覺得佢哋個business model（商業模式）好interesting（有趣），當然，我唔會喺美國做返同樣嘅嘢，事關佢哋（Groupon）已做到好大。」

經反覆研究思量，Danny屬意在香港起步，引入這種生意模式，2010年成立uBuyiBuy團購網站，「之前嚟香港玩，留意到香港人非常鍾意優惠抵買嘅嘢，覺得會有呢個需求」；然而他來港後，最初被周圍的人大潑冷水，「佢哋話香港人唔興上網買嘢，（團購）唔會得，你返去美國啦。」

Danny並無氣餒，「我始終認為只要有好嘅產品，啲人一定會上我哋網站買嘢」，結果證明其堅持正確，uBuyiBuy推出後一鳴驚人，未夠半年已月入逾100萬美元，為Danny帶來「香港團購之父」美譽，不過亦吸引不少人加入團購市場意圖分一杯羹，「最高峰有57個競爭對手，只計香港，但直到我哋離開，依然係market leader（市場領導者）。」

他口中的「離開」，是uBuyiBuy只推出大半年就被Groupon看中，出手收購51%股份，Danny隨即過檔至Groupon，出任集團亞太區行政總裁；其後Groupon再於3年間陸續收購Danny其餘49%股份，他亦在2014年初功成身退，有段時間專注投資，「而家我仲有做啲私人投資，但嗰陣覺得唔係咁有趣，始終鍾意創業，多啲impact（影響力）。」

第四度創業的他，這次選擇轉戰生物科技界，原來也是受朋友啟發，當時一名友人向他提及一間美國領先的基因檢測公司，「覺得好amazing（神奇），單憑一個口水sample（樣本），就可以驗到咁多關於你嘅資料，我即刻又諗，點解香港無呢樣嘢？」

抱信念 產品有價值能助人

出於「認為基因測試可長遠及持續發展，並為社會帶來一些改變」的信念，他與拍檔2014年底投資成立Prenetics，同時出任行政總裁，期望借鑑外國經驗把基因測試由注重治療，變為預防疾病，找出最適合個人的飲食方法；經過「8年抗戰」，Prenetics今年成為首家在美國納斯特掛牌的港產獨角獸（估值逾10億美元初創），成績斐然。

由飲食至家具，再從團購到生物科技，身為「創業狂」的Danny笑言，每次進軍一個新行業都抱同一信念：「覺得嗰樣嘢真係幫到人，有個價值、解決到問題，所以只要產品好，一定會有demand（需求）。」

被問到4次創業最愛哪一行，他不假思索：「絕對係health（健康行業）！我之前做嗰啲（行業）一般4年左右，而家（Prenetics）成立差不多8年，健康係直接影響好多人，同埋見到好多客戶feedback（反映）真係幫到佢哋，所以Prenetics會係我最後一間公司。」

採訪、撰文：許鎮邦　攝影：黃潤根、受訪者提供

更多「周一人物」文章：

• 邵氏基金會主席陳偉文傳承善心 推動教育科研醫療藝術 秉持捐得其所
• Moovup邱力迅助前線搵工保尊嚴 離投行選擇創業 打造藍領招聘平台
• 四孩之母ViVi變身直播帶貨教主 開甜品店曾清袋 轉戰電商推銷時尚

支持EJ Tech

如欲投稿、報料，發布新聞稿或採訪通知，按這裏聯絡我們。